വൈവാഹിക ജോതിഷം
വിവാഹം എന്ന പദത്തിന് വിശിഷ്ടമായ വഹനം എന്നാണ് അർഥം പറഞ്ഞിരിക്കുന്നത് .ഒരിക്കലും ഉപേക്ഷിക്കാൻ കഴിയാത്തതും ജീവിതാവസാനം വരെ കൂടെ കൊണ്ടുപോകാൻ ബാധ്യത ഉള്ളതുമായ ബന്ധമാണ് വിവാഹത്തിലൂടെ ഉണ്ടാകുന്നത് .ഉണ്ടാകേണ്ടതും അതു തന്നെയാണ് .
വിവാഹം കുടുംബത്തെ രൂപപ്പെടുത്തുന്നു.കാല ദേശങ്ങളുടെയും ആചാരാനുഷ്ടാനങ്ങളുടെയും നിത്യ ജീവിത സാഹചര്യത്തിന്റെയും കാര്യത്തിൽ ഭിന്നതയുള്ള രണ്ടു പരിസരങ്ങളിൽ നിന്നാണ് സ്ത്രീയും പുരുഷനും പൊതുവായ ചില പൊരുത്തങ്ങളുടെ അടിസ്ഥാനത്തിൽ വിവാഹിതരാകുന്നത്.അതിനു ഭൗതിക വിഷയങ്ങൾ മാത്രം പരിഗണിച്ചാൽ പോരാ .സ്ത്രീ പുരുഷന്മാരുടെ ജാതകങ്ങളെ മുൻ നിർത്തിയുള്ള പൊരുത്ത പരിശോധനയും കൂടി അനിവാര്യമാണ്. പൊരുത്തം എന്ന വാക്കിനു സാമാന്യാർത്ഥം ചേർച്ച എന്നാണ് .തുല്യമായതു തമ്മിലെ യോചിക്കുകയുള്ളൂ.അങ്ങനെ യോചിച്ചു കഴിഞ്ഞാൽ പിന്നെ മത്സരമില്ല.മത്സരിക്കുക എന്നതിന് പൊരുതുക എന്നാണ് പറയുക.പൊരുതുക എന്നതിൽ നിന്ന് പോരുത്തത്തിലേക്കുള്ള ആശയ പകർച്ച ശ്രദ്ധിക്കുക.
ജ്യോതിഷത്തിന്റെ പ്രയോചക വിഷയങ്ങളിൽ സുപ്രധാനമായ ഒന്നാണ് ദാമ്പത്യ ഘടനാ നിർണയം .
പൊരുത്തങ്ങൾ
പൊരുത്തങ്ങൾ ഇരുപത്തി മൂന്നെണ്ണം ഉണ്ടെന്ന് പ്രശ്ന മാർഗത്തിൽ പറഞ്ഞിരിക്കുന്നു.ഇരുപത്തിമൂന്നിൽ പത്തെണ്ണം ആണ് പ്രധാനമായും സർവ സാധാരണമെന്ന നിലയിൽ പരിശോധിക്കുന്നത്.
രാശി പൊരുത്തം
ഇവിടെ രാശി എന്നതിന് ജനന സമയത്ത് ചന്ദ്രൻ നിൽക്കുന്ന രാശി എന്നാണ് അർത്ഥം .സ്ത്രീ ജനിച്ച രാശിയിൽ നിന്നും 2,3,5,6 കൂറുകളിൽ ജനിച്ച പുരുഷന്മാർ വിവാഹത്തിന് ശുഭമല്ല.7,9,10,11,12 എന്നീ കൂറുകളിൽ ജനിച്ച പുരുഷന്മാർ ശുഭമാണ് .4,8 കൂറുകളിൽ ജനിച്ച പുരുഷന്മാരെ മധ്യമമായി സ്വീകരിക്കാം.
ഏകരാശി ദ്വിനക്ഷത്രം പുത്ര പൗത്രാധി വർദ്ധനാം എന്ന പ്രമാണം ഉണ്ട് . അതിനാൽ ഒരേ കൂറുകളിൽ ജനിച്ച സ്ത്രീ പുരുഷന്മാർ വ്യത്യസ്ത നക്ഷത്രക്കാരാണെങ്കിൽ രാശി പൊരുത്തം ഉണ്ട്.
ഏക നക്ഷത്രത്തിൽ ജനിച്ചവരും ദാമ്പത്യ ഘടനാ യോഗം ഉള്ളവരാണ് .എന്നാൽ ഭരണി ,രോഹിണി,തിരുവാതിര ,പൂയം,ആയില്യം,മകം,അത്തം ,തൃക്കേട്ട,മൂലം,പൂരാടം,അവിട്ടം,ചതയം ഇവയിൽ ഒന്ന് ഏക നക്ഷത്രമായി വരുമ്പോൾ സ്വീകാര്യമല്ല.
ഷഷ്ടാഷ്ടമം
സ്ത്രീയുടെ ആറാം കൂറ് പുരുഷന്റെ ജന്മരാശിയായി വന്നാൽ ഷഷ്ടാഷ്ടമ ദോഷം സംഭവിക്കും.രാശി പൊരുത്തതിലെ പ്രധാന ദോഷമാണിത്. ഷഷ്ടാഷ്ടമ ദോഷത്തിനു ചില അപവാദങ്ങൾ ഉണ്ട്.
സമസപ്തമം
സ്ത്രീയുടെ ഏഴാം കൂറ് പുരുഷന്റേതു ആയാൽ സമസപ്തമം എന്ന ഗണമുണ്ട് .അത് ഏറ്റവും ശുഭമാണ് .